ఇప్పుడు మరోసారి రామ్ చరణ్ అండ్ సుకుమార్ కాంబినషన్ సినిమా వార్తల్లో కీలక మ్యాటర్ అయిపోయింది. నిజానికి ఈ సినిమా షూటింగ్ ఆగిపోయిందంటూ తెగ రూమర్లు వస్తుండటంతో.. ఇప్పుడు అసలు కొత్త షెడ్యూల్ ఎందుకు పోస్టుపోన్ చేయాల్సి వచ్చింది అనే విషయంపై ఒక క్లారిటీ ఇచ్చారు నిర్మాతలు. తొలి షెడ్యూల్ లో సమంతకు వడదెబ్బ తగలడం కారణంగా.. అసలు తమ టెక్నీషియన్లు నటీనటులు ఎవ్వరూ అటువంటి ఇబ్బందుల బారిన పడకూడదని ఇప్పుడు పెద్ద నిర్ణయమే తీసుకుంది ఈ టీమ్.

ఏప్రిల్ 1 నుంచి రాజమండ్రి పరిసరాల్లో ఇంత వరకు ఎవరూ చిత్రీకరించని నేచురల్ లోకేషన్స్లో మొదటి షెడ్యూల్ను పూర్తి చేశారు. అయితే ఆ తరువాత సమంతకు వడ దెబ్బ తగలడంతో.. షెడ్యూల్ బ్రేకిచ్చారు. ఆ తరువాత మే 9 నుండి మళ్ళీ రాజమండ్రిలో షూటింగ్ చేయాలని భావించినా కూడా.. భానుడి ప్రతాపం విపరీతంగా ఉండటంతో.. హైదరాబాదులో నాలుగు రోజులు షూటింగ్ చేసి రాజమండ్రి వర్కును పోస్టుపోన్ చేశారట. ఎండ ప్రభావం తగ్గుముఖం పడితే ఇక జూన 1వ తారీఖు నుండి గోదావరి ఒడ్డున వేసిన ఒక స్పెషల్ సెట్ లో హీరో ఇంట్రొడక్షన్ సాంగుతో తిరిగి కొత్త షెడ్యూల్ స్టార్ట్ చేస్తారు.

ఇకపోతే ఈ సినిమాలో జగపతి బాబుతో పాటు ప్రకాష్ రాజ్ కూడా నటిస్తున్నారు. ఈ మధ్యన ఈ సీనియర్ స్టార్లకు ఉన్న డిమాండ్ మరి ఫాలోయింగ్ చూసి.. వారిని క్యాస్ట్ చేయడానికి సుకుమార్ కూడా తెగ ఆనందపడ్డాడట.

Related News

ఈమధ్య హన్సిక బాగా చిక్కింది

బాహుబలిని కట్టప్ప ఎందుకు చంపాడు

గౌతమీపుత్ర శాతకర్ణి విషయంలో ఆయన పని ముగిసింది.

బిచ్చగాడు ఇప్పుడు అదే ఊపుతో వేరే బాషల్లోకి వెళుతున్నాడు.