సూర్య... త్రివిక్రమ్ కాంబినేషన్ గురించి చాలా రోజులుగా వార్తలొస్తున్నాయి. అయితే అటు సూర్య కానీ ఇటు త్రివిక్రమ్ కానీ ఆ ప్రాజెక్టు గురించి స్పందించలేదు. దీంతో వాళ్లిద్దరూ కలిసి సినిమా చేస్తారో లేదో అన్న అనుమానాలు వ్యక్తమయ్యాయి. అయితే ఎట్టకేలకు సూర్య ఆ సినిమా గురించి స్పందించారు.

త్రివిక్రమ్ తో చర్చలు జరుగుతున్నాయని మూడు కథలకి సంబంధించిన ప్లానింగ్స్ గురించి మాట్లాడుకున్నామని వాటిలో ఏది ఫైనలైజ్ అవుతుందో తెలియని చెప్పాడు సూర్య. దీన్నిబట్టి తదుపరి త్రివిక్రమ్ చేయబోయే సినిమా సూర్యతోనే అన్న విషయం అర్థమవుతోంది. ఒకవేళ ఆ ప్రాజెక్టంటూ వుంటే తెలుగు - తమిళ భాషల్లో తెరకెక్కుతుందని తెలుస్తోంది.

24 సినిమా ప్రమోషన్స్ లో భాగంగా శనివారం సూర్య హైదరాబాద్ లో విలేకర్లతో ముచ్చటించాడు. ఈ సందర్భంగా స్ట్రెయిట్ తెలుగు సినిమాల గురించి కూడా స్పందించాడు. ``ఎప్పట్నుంచో తెలుగులో సినిమాలు చేయాలనే ఆలోచన వుంది. కానీ కుదరడం లేదు. మధ్యలో రాజమౌళి - చంద్రశేఖర్ ఏలేటిలతో సినిమాలు చేసే అవకాశం వచ్చింది. కానీ ఆ అవకాశం చేజార్చుకున్నా. భవిష్యత్తులో వాళ్లిద్దరితో తప్పకుండా సినిమా చేస్తా`` అన్నాడు సూర్య. 24 సినిమా తన జీవితంలో ప్రత్యేకమైన సినిమా అని సూర్య స్పష్టం చేశాడు. నిర్మాతగా కూడా మరపురాని చిత్రమవుతుందని సూర్య చెప్పాడు. మే 6న 24 విడుదలవుతోంది.

Related News

సప్తగిరికి అది ప్లస్ పాయింట్ అయ్యింది

ఎన్టీఆర్ ను పక్కకు నెట్టిన కొరటాల

స్వయంగా దర్శకుడు మురుగదాసే తన సినిమా గురించి చేసిన ట్వీట్.

ఫైనల్ కట్ లో తమన్నా రోల్ మొత్తం ఎగిరిపోయింది.