వైవీఎస్.. ఇప్పుడు మళ్లీ కొత్త కథతో
21-Jul-2017 13:53:33
తొలి సినిమా సీతారాముల కళ్యాణం చూతము రారండీ నుంచి ఇదే ట్రెండ్ ను ఫాలో అవుతూనే ఉన్నాడు. సక్సెస్ ల కంటే ఎక్కువగా హీరో హీరోయిన్స్ ను ఇంట్రడ్యూస్ చేయడంలో క్రేజ్ సంపాదించుకున్నాడు. స్టార్ హీరోలతోనూ సినిమాలు చేసినా.. వైవీఎస్ కు ఎక్కువ గుర్తింపు తెచ్చిన సినిమాల్లో దేవదాసు ఒకటి. రామ్.. ఇలియానాలు ఈ సినిమాతోనే పరిచయం అయ్యారు.
అయితే.. వైవీఎస్ గత చిత్రం రేయ్ కూడా ఈ కోవలోకి చెందినదే. సాయిధరంతేజ్.. సయామీ ఖేర్ లను ఇంట్రడ్యూస్ చేశాడు వైవీఎస్. కానీ ఆ సినిమా డిజప్పాయింట్ చేసింది. ఇది రిలీజ్ అయ్యేందుకు కూడా చాాలానే అగచాట్లు పడాల్సి వచ్చింది. రేయ్ విడుదల అయి రెండేళ్లు గడిచిపోయాయప్పుడే. ఈ రెండేళ్ల పాటు సినిమా మాటెత్తని వైవీఎస్.. ఇప్పుడు మళ్లీ కొత్త కథతో వస్తున్నాడట. ఇప్పటికే స్క్రిప్ట్ వర్క్ కూడా పూర్తయిపోయినట్లు సన్నిహితులు చెబుతున్నారు. మళ్లీ తనకు బాగా అచ్చొచ్చిన ప్రేమ కథ జోనర్ లోనే సినిమా చేయనున్నాడట ఈ దర్శకుడు. అలాగే తను చెప్పినట్లుగా వినేలా.. కొత్త ట్యాలెంట్ ను ఇండస్ట్రీకి పరిచయం చేసే ఉద్దేశ్యంలోనే ఉన్నట్లు తెలుస్తోంది.
గత కొన్ని వారాలుగా వైవీఎస్ చౌదరి తల్లి ఆరోగ్యంపై ఎక్కువగా కేర్ తీసుకోవాల్సి వస్తోంది. ఫిజియోథెరపీ వంటి వాటిని దగ్గరుండి చూసుకుంటున్నాడట.
Related News
