ధనుష్ కు మంచి భార్యగా ఉంటా
29-Jun-2017 10:44:52
తనకు అవకాశమిస్తే మంచి భార్యనని నిరూపించుకుంటుందట. అందుకు హీరో ధనుష్ అవకాశమిస్తే బాగుంటుందని తన మనసులో మాట బయటపెట్టిందీ అమ్మడు. చక్కగా కాపురం చేసుకుంటున్న ధనుష్ను అమలా పాల్ పెళ్లి చేసుకోవడం ఏమిటి? అనుకుంటున్నారా?
ఏమీ లేదండీ - త్వరలో విడుదల కాబోతున్న వీఐపీ-2లో ధనుష్ భార్యగా అమలాపాల్ నటిస్తోంది. గతంలో వచ్చిన వేలై ఇల్లా పట్టాదారి(వీఐపీ- తెలుగులో రఘువరన్.బీటెక్) సినిమాలో వీళ్లిద్దరి కెమెస్ట్రీ అద్భుతంగా పండటంతో రెండో భాగానికి కూడా అమలానే ఎంపికచేసుకున్నారు. ఒకవేళ వీఐపీ-3 నిర్మిస్తే అందులో ధనుష్ కు మంచి భార్యగా ఉంటా అని చమత్కరించింది అమలాపాల్. ఈ రకంగా ఇంకా వస్తుందోరాదో తెలియని సినిమాలో తన పాత్రను కన్ఫార్మ్చేసుకుందీ ముద్దుగుమ్మ!
వీఐపీ-1లో హీరో ధనుష్ ని ఆటపట్టించి ఏడిపించే ప్రియురాలిగా అమలాపాల్ నటించింది. వీఐపీ-2లో హీరో భార్యగా చేస్తోంది. సినిమా ప్రమోషన్ లో భాగంగా ఆమె మీడియాతో మాట్లాడినపుడు పై వ్యాఖ్యలు చేసింది. ''వీఐపీ-1లో నా పాత్రను చంపేయనందుకు థ్యాంక్స్. వీఐపీ-2లో సతాయించే భార్యగా నటిస్తున్నా. ఫస్ట్ పార్ట్ లో ప్రియురాలిగా సెకండ్ పార్ట్ లో హింసించే అర్ధాంగిగా చేశాను.
Related News
