తెలుగు రాష్ట్రాల్లో ఉత్తరాంధ్ర అంటే వెనుకబడ్డ ప్రాంతం అన్న ఫీలింగ్ ఉంటుంది జనాల్లో. సినీ జనాల ఫీలింగ్ కూడా అలాగే ఉండేది ఒకప్పుడు. ఆ ఏరియా డిస్ట్రిబ్యూషన్ మీద అంతగా దృష్టిపెట్టేవాళ్లు కాదు. కానీ గత కొన్నేళ్లలో ఉత్తరాంధ్ర రేంజే మారిపోయింది. ఇక్కడ పెద్ద సినిమాలు వచ్చినపుడల్లా కొత్త రికార్డులు నమోదవుతున్నాయి.

గరిష్టంగా 5-6 కోట్ల మధ్య ఉన్న ఉత్తరాంధ్ర మార్కెట్ ఏడాదిన్నర కిందట =బాహుబలి: ది బిగినింగ్ వచ్చినపుడు అనూహ్యమైన స్థాయిని అందుకుంది. ఆ సినిమా రూ.9 కోట్లకు పైగా వసూలు చేసి ఔరా అనిపించింది. ఐతే ఈ ఏడాది ఆరంభంలో ఖైదీ నెంబర్ 150 సినిమా రూ.10 కోట్ల మైలురాయిని దాటేసి ఆశ్చర్యపరిచింది. ఆ చిత్రం ఫుల్ రన్లో రూ.13 కోట్ల డిస్ట్రిబ్యూటర్ షేర్ వసూలు చేసి సంచలనం సృష్టించింది. దీనికే అందరూ అబ్బురపడితే.. ఇప్పుడు బాహుబలి: ది కంక్లూజన్ కేవలం ఆరు రోజుల్లోనే ఆ రికార్డును బద్దలు కొట్టేసింది.

అక్కడ బాహుబలి-2 షేర్ ఆరు రోజులకే రూ.14 కోట్లకు చేరుకుంది. ఇది అనితర సాధ్యమైన రికార్డే. ఫుల్ రన్లో ఇక్కడ బాహుబలి-2 రూ.25 కోట్ల షేర్ మార్కును అందుకున్నా ఆశ్చర్యం లేదంటున్నారు. ఇప్పటికీ సినిమా జోరు తగ్గలేదు. హౌస్ ఫుల్స్ తో రన్ అవుతోంది. రెండో వీకెండ్ అయ్యేసరికే షేర్ రూ.20 కోట్ల మార్కుకు చేరువగా వస్తుందని భావిస్తున్నారు.

Related News

రికార్డులొద్దు స్వామీ.. హిట్టయితే చాలు

కూతురిగా కనిపించనున్న నటాషా

వెంకటేష్ కొత్త సినిమాలో అమ్మడిని సెలక్ట్

నాకొక స్టోరీ లైన్ తట్టింది ఆ స్టోరీతో సినిమా తీయాలనుకుంటున్నా