బాహుబలి ది కంక్లూజన్.. టాలీవుడ్ తో పాటు.. దేశం మొత్తం ఎదురుచూస్తున్న సినిమా ఇది. బాహుబలి మొదటి భాగంతో 600 కోట్ల వసూళ్లను సాధించగా.. ఈ రెండో పార్ట్ ఏకంగా 1000 కోట్లు వసూలు చేస్తుందనే అంచనాలు ఉన్నాయి. ఈ ఎక్స్ పెక్టేషన్స్ ని అందుకునేందుకు.. రాజమౌళి తో పాటు.. ప్రభాస్ కూడా చాలానే కష్టపడుతున్నాడు.

బాహుబలి దిం కంక్లూజన్ క్లైమాక్స్ లో వచ్చే ఓ సన్నివేశం.. భారీ యాక్షన్ ఎపిసోడ్ అని తెలుస్తోంది. ఈ ఒక్క సీన్.. మొత్తం రెండు భాగాలకు హైలైట్ గా నిలుస్తుందనే బాహుబలి యూనిట్ నమ్ముతోంది. అందుకే ఈ సీన్ పై బోలెడంత కసరత్తు చేసి పిక్చరైజ్ చేస్తున్నారు. అందరి కంటే ఎక్కువగా రెబల్ స్టార్ ప్రభాస్ కష్టపడాల్సి వస్తోంది. ఈ ఒక్క సీన్ కోసమే.. నెల రోజులకు పైగా ప్రత్యేకంగా ట్రైనింగ్ అయ్యాడట ప్రభాస్. ఇప్పుడా ట్రైనింగ్ పూర్తయిందని.. త్వరలో ఆ సన్నివేశాన్ని కూడా పిక్చరైజ్ చేయబోతున్నారని తెలుస్తోంది.

బాహుబలి 2 విషయంలో రాజమౌళి-ప్రభాస్ లు ఎలాంటి ఛాన్స్ తీసుకోవడం లేదనే విషయం.. ఈ ఒక్క సీన్ కోసం తీసుకుంటున్న జాగ్రత్తలు చూస్తే అర్ధమవుతుంది. ఇక అక్టోబర్ చివరినాటికల్లా బాహుబలి ది కంక్లూజన్ షూటింగ్ ను పూర్తి చేసేయనున్నాడు జక్కన్న. 2017 ఏప్రిల్ 28న బాహుబలి చివరి భాగం రిలీజ్ కానుందనే సంగతి గతంలోనే ప్రకటించేశారు.

Related News

గత రెండు నెలల్లో చాలా ఒత్తిడికి గురయ్యాను.

నిజంగానే వాళ్లు ప్రేమలో ఉన్నారా

ఎంత పని చేశావ్ మోగ్లీ

కొన్ని ఇంట్రెస్టింగ్ విషయాలు కూడా షేర్ చేసుకున్నారు.