బెస్ట్ ఫ్రెండ్ ను కలుసుకున్న రామ్
03-Aug-2016 12:02:06
బొమ్మరిల్లు, సై, రెడీ లాంటి పలు చిత్రాల్లో నటించి తెలుగులో హీరోయిన్ గా స్టార్ ఇమేజ్ ను సొంతం చేసుకున్న జెనీలియా.. బాలీవుడ్ హీరో రితేష్ దేశ్ ముఖ్ ను పెళ్లి చేసుకుని వెండితెరకు తాత్కాలికంగా దూరమైంది. ఇటీవలే రెండవ బిడ్డకు జన్మనిచ్చిన జెనీలియా ప్రస్తుతం ఆ సంబరాల్లోనే మునిగి తేలుతుంది. టాలీవుడ్ ఎనర్జిటిక్ హీరో రామ్, జెనీలియాలు ఎప్పటి నుంచో మంచి స్నేహితులు. షూటింగుల్లో బిజీగా ఉంటున్న రామ్ ఇన్ని రోజులకు తన బెస్ట్ ఫ్రెండ్ ను చూసేందుకు వెళ్లాడు. జెనీలియా కుమారుడు చిన్నారి రియాన్ తో ప్రేమలో కూడా పడిపోయానంటున్నాడు. జెనీలియా దంపతులతో కొంత సమయం గడిపిన రామ్ ఆ సంతోషాన్ని ట్విట్టర్ లో పంచుకున్నాడు. ఇంకొన్ని రోజుల్లో ఫ్రెండ్ షిప్ డే వస్తుందనగా.. ఈ దోస్తులు ఇలా కలుసుకోవడం బాగుంది కదూ.
Ram, meets, Her, Best, Friend, Matter, Tollywood,Related News
