దర్శకుడు శ్రీను వైట్ల ప్రస్తుతం మిస్టర్ మూవీని తెరకెక్కిస్తున్న సంగతి తెలిసిందే. వరుణ్ తేజ్ హీరోగా రూపొందుతున్న ఈ చిత్రంపై చాలానే అంచనాలు ఉన్నాయి. రెండు వరుస ఫ్లాపుల తర్వాత శ్రీను వైట్ల ఎంతో ప్రతిష్టాత్మకంగా ఈ చిత్రాన్ని తెరకెక్కిస్తున్నాడు. ఇప్పటికే రిలీజ్ అయిన టీజర్ ద్వారా.. మంచి బజ్ క్రియేట్ చేయడంలో సక్సెస్ అయ్యాడు శ్రీను వైట్ల. ఇప్పటివరకూ ఈ టీజర్ కు 1.6మిలియన్ వ్యూస్ వచ్చాయంటే.. జనాల్లో వైట్ల మూవీపై ఎంతటి ఆసక్తి ఉందో అర్ధమవుతుంది.

'నా కెరీర్ లోనే మిస్టర్ చాలా స్పెషల్ ఫిలిం. ఇప్పటివరకూ నేను అన్నీ ఎంటర్టెయిన్మెంట్ ఆధారంగానే సినిమాలు తీశాను. కానీ ఈ సినిమాలో మాత్రం నేను ఎమోషన్స్ ను ఎక్కువగా బేస్ చేసుకున్నాను. వీటికి మ్యూజిక్ ప్రాణం పోయనుంది. సంగీతం.. పాటలపై కూడా ప్రత్యేకంగా దృష్టి పెట్టి మరీ ఈ చిత్రం తెరకెక్కిస్తున్నా' అంటున్నాడు శ్రీనువైట్ల. ఈ మూవీ సబ్జెక్ట్ కోసమే పలు దేశాలు.. ప్రాంతాలు చుట్టి రావాల్సి వచ్చిందన్నాడు ఈ దర్శకుడు.

స్పెయిన్.. స్విట్జర్లాండ్ లతో పాటు ఊటీ.. చిక్మంగళూరు.. హైద్రాబాద్ లలో షూటింగ్ చేయగా.. ప్రతీ ఫ్రేమ్ ఎంతో అందంగా ఉండేలా తెరకెక్కించారట. కేరళలోని అందమైన ప్రాంతాల్లో తుది షెడ్యూల్ పూర్తి చేస్తామంటున్న.. ఈ చిత్రాన్ని ఏప్రిల్ 14 విడుదల చేయనున్నట్లు ఇప్పటికే ప్రకటించేశారు. వరుణ్ తేజ్ సరసన లావణ్య త్రిపాఠి.. హెబ్బా పటేల్ లు మిస్టర్ మూవీలో హీరోయిన్స్ గా నటిస్తున్నారు.

Related News

హృతిక్ కొత్త సినిమాను కూడా తెలుగులోకి రిలీజ్ చేయబోతున్నారు.

శ్రీమంతుడు.. తిరిగి ఇచ్చేస్తున్నాడు

జనతా గ్యారేజ్ లో కట్ చేసిన సీన్లు

26 నుంచి మలేషియాలో