సూర్య హీరోగా నటించిన ప్రయోగాత్మక సినిమా ?24? మే 6న తెలుగు, తమిళ భాషల్లో ఏకకాలంలో భారీ ఎత్తున విడుదలకు సిద్ధమవుతోన్న విషయం తెలిసిందే. ?మనం? తర్వాత చాలా గ్యాప్ తీస్కొని విలక్షణ దర్శకుడు విక్రమ్ కె కుమార్ తెరకెక్కించిన ఈ సినిమా పోస్టర్స్, ట్రైలర్లతో ఇప్పటికే అంచనాలను పెంచేసింది. ఇక ఇప్పటికే ప్రమోషన్స్తో టాక్ ఆఫ్ ది టౌన్గా మారిపోయిన ఈ సినిమా నేటితో సెన్సార్తో సహా అన్ని టెక్నికల్ కార్యక్రమాలు పూర్తి చేసుకొని రిలీజ్కు పక్కాగా సిద్ధమైపోయింది.
సెన్సార్ బృందం చేత క్లీన్ ?యూ? సర్టిఫికెట్ తెచ్చుకున్న ఈ సినిమా 2 గంటల 44నిమిషాల నిడివితో మనల్ని అలరించేందుకు థియేటర్లకు వచ్చేస్తోంది. ఇప్పటితరం సినిమాలతో పోలిస్తే, ఈ రన్టైమ్ కాస్త ఎక్కువే అయినా సినిమా అసలు కథ పెద్దది కావడంతో ఈ రన్టైమ్ తప్పక అవసరమని టీమ్ చెబుతోంది. సూర్య తన సొంత బ్యానర్ 2డీ ఎంటర్టైన్మెంట్స్పై నిర్మించిన ఈ సినిమా టైమ్ అంశం చుట్టూ ఓ సరికొత్త కథా నేపథ్యాన్ని ప్రస్తావిస్తూ నడుస్తుందని తెలుస్తోంది. సూర్య సరసన సమంత, నిత్యా మీనన్లు హీరోయిన్లుగా నటించిన ఈ సినిమాకు రెహమాన్ సంగీత దర్శకత్వం వహించారు. రెహమాన్ అందించిన సంగీతం కూడా ఇప్పటికే పాపులర్ అయిపోయింది. సూర్య ఈ సినిమా తెలుగు వర్షన్ కోసం ప్రత్యేక జాగ్రత్తలు తీసుకోవడం ప్రత్యేకంగా చెప్పుకోవాలి.