తెలుగులో కమల్ సినిమా
18-May-2015 11:46:41
కమలహాసన్ కు తమిళంలో ఎంతమంది అభిమానులున్నారో, అదే స్థాయిలో తెలుగులో కూడా వున్నారని చెప్పచ్చు. తన కెరీర్ తొలినాళ్ల నుంచీ ఆయన తెలుగు సినిమాలలో నటిస్తూ వుండడం వల్ల, తెలుగునాట కూడా ఆయన సమాన ఆదరణ సంపాదించుకున్నారు. ఈ నేపథ్యంలో ఆయన తాజాగా డైరెక్టుగా తెలుగు సినిమాను చేస్తున్నారు. తన అసోసియేట్ రాజేష్ దర్శకత్వంలో ఆయన నటించే చిత్రాన్ని ఏకకాలంలో తెలుగు, తమిళ భాషల్లో నిర్మిస్తున్నారు. ఈ విషయాన్ని కమల్ స్వయంగా చెప్పారు. దీని షూటింగ్ ఈ నెల 24న హైదరాబాదులో మొదలవుతుందని కమల్ తెలిపారు. థ్రిల్లర్ గా రూపొందే ఈ చిత్రం షూటింగును నలభై రోజుల పాటు హైదరాబాదులోనూ, మరో నలభై రోజుల పాటు చెన్నయ్ లోను నిర్వహిస్తారు. జిబ్రాన్ సంగీతాన్ని సమకూర్చే ఈ చిత్రానికి తమిళంలో 'తూంగావనం' అనే టైటిల్ నిర్ణయించారు.
kamalhasan, rajesh, trisha, manishakoirala, tollywood,Related News
