ఇటీవల తెలుగులో వచ్చిన సూపర్ హిట్ చిత్రం 'టెంపర్' హిందీ రీమేక్ లో రణ్వీర్ సింగ్ హీరోగా నటిస్తాడు. తెలుగు వెర్షన్ నిర్మాత బండ్ల గణేష్ కు సన్నిహితుడైన సచిన్ జోషి ఈ సినిమా హిందీ రీమేక్ హక్కులను సొంతం చేసుకున్నాడు. కొంత మంది హీరోలను సంప్రదించిన మీదట చివరికి రణ్వీర్ ను ఫైనల్ చేసుకున్నట్టు సమాచారం. అవినీతిపరుడైన ఓ పోలీసాఫీసర్ చివరికి నిజాయతీపరుడిగా ఎలా మారాడన్న అంశం చుట్టూ అల్లిన కథతో రూపొందిన 'టెంపర్' ఎన్టీఆర్ కు మంచి పేరు తెచ్చిపెట్టింది. ఇప్పుడు హిందీ రీమేక్ కి కూడా పూరీ జగన్నాథ్ దర్శకత్వం వహించే అవకాశం వుంది.
ranveersingh, temper, remake, bollywood, news,